Əlçatanlıq
Eşitmə məhdudiyyətli şəxslər arasında bədən tərbiyəsini və idmanı inkişaf etdirir, idmançılarımızın Deflimpiya Oyunlarında və digər beynəlxalq yarışlarda Azərbaycanı uğurla təmsil etməsinə dəstək oluruq.
Haqqımızda
Komitə 2023-cü ilin 13 oktyabrında yaradılıb.
Azərbaycan Respublikası Deflimpiya Komitəsi “Bədən tərbiyəsi və idman haqqında” Qanuna müvafiq olaraq eşitmə qabiliyyəti məhdud olan şəxslər arasında bədən tərbiyəsini və idmanı inkişaf etdirmək, onların sosial həyata inteqrasiyasını təmin etmək məqsədi ilə yaradılıb.
Komitə Gənclər və İdman Nazirliyi, Əmək və Əhalinin Sosial Müdafiəsi Nazirliyi, milli idman federasiyaları və digər qurumlarla əməkdaşlıq edərək Deflimpiya hərəkatının inkişafına töhfə verir.
Eşitmə məhdudiyyətli uşaq, gənc və böyükləri müntəzəm idmana və bədən tərbiyəsinə cəlb edirik.
İdmançılarımızın Deflimpiya Oyunlarında, ICSD və EDSO yarışlarında iştirakına dəstək oluruq.
Məşqçilər, təlim-məşq toplanışları və lazımi resurslarla idmançıların potensialını artırırıq.
Deflimpiya hərəkatı və idmançılarımızın uğurları haqqında ictimaiyyəti məlumatlandırırıq.
Beynəlxalq yarışlarda qazanılmış medallar
Qızıl medal
Yunan-Roma güləşi
Yunan-Roma və sərbəst güləş üzrə Belarus Respublikasının Açıq Kuboku
Qomel, Belarus 2026
8–12 oktyabr 2026. 55 kq. 1-ci yer.
Qızıl medal
Yunan-Roma güləşi
Yunan-Roma və sərbəst güləş üzrə Belarus Respublikasının Açıq Kuboku
Qomel, Belarus 2026
8–12 oktyabr 2026. 60 kq. 1-ci yer.
Qızıl medal
Yunan-Roma güləşi
Yunan-Roma və sərbəst güləş üzrə Belarus Respublikasının Açıq Kuboku
Qomel, Belarus 2026
8–12 oktyabr 2026. 72 kq. 1-ci yer.
Qızıl medal
Yunan-Roma güləşi
Yunan-Roma və sərbəst güləş üzrə Belarus Respublikasının Açıq Kuboku
Qomel, Belarus 2026
8–12 oktyabr 2026. 82 kq. 1-ci yer.
Gümüş medal
Yunan-Roma güləşi
Yunan-Roma və sərbəst güləş üzrə Belarus Respublikasının Açıq Kuboku
Qomel, Belarus 2026
8–12 oktyabr 2026. 60 kq. 2-ci yer.
Daha yaxşı eşidən qulaqda ən azı 55 dB eşitmə itkisi olan hər kəs müraciət edə bilər.
İlkin mərhələdə şəxsiyyət vəsiqəsinin surəti, audioqram və həkimdən sağlamlıq haqqında arayış tələb olunur.
Azərbaycan Deflimpiya Komitəsinin və Azərbaycan Taekvondo Federasiyasının əməkdaşlığı çərçivəsində iyunun 3-də Abşeron Olimpiya Kompleksində eşitmə məhdudiyyəti olan taekvondoçuların hazırlıq səviyyəsini yoxlamaq məqsədilə dostluq görüşləri təşkil olunub. Görüşlər taekvondo idman növü üzrə deflimpiya yığmasının baş məşqçisi Elmir Fərəcovun və digər mütəxəssislərin rəhbərliyi ilə baş tutub. Tədbirdə Deflimpiya Komitəsinin idarə Heyətinin üzvü, tanınmış taekvondoçu Rəşad Əhmədov, Komitənin baş katibi Namiq Novruzov, Azərbaycan Taekvondo Federasiyasının vitse-prezidenti Niyaməddin Paşayev və digər rəsmi şəxslər iştirak ediblər.
Daha ətraflıAzərbaycan Deflimpiya Komitəsi ilə MÜTDA (Məktəbəqədər və Ümumi Təhsil üzrə Dövlət Agentliyi) arasında əməkdaşlıq memorandumu çərçivəsində Komitənin nümayəndə heyəti Azərbaycan Respublikası Elm və Təhsil Nazirliyinin tabeliyində fəaliyyət göstərən eşitmə qabiliyyəti pozulmuş uşaqlar üçün 352 nömrəli körpələr evi–uşaq bağçasına səfər edib. Səfər 1 İyun Uşaqların Beynəlxalq Müdafiəsi Gününə həsr olunub. Görüş zamanı nümayəndə heyəti eşitmə məhdudiyyətli uşaqlarla bir araya gəlib, onların gündəlik fəaliyyəti ilə tanış olub, hazırladıqları rəqs kompozisiyalarını izləyib. Tədbirin sonunda uşaqlara bayram hədiyyələri təqdim edilib. Görüş uşaqların bayram sevincinin bölüşülməsi, onlara diqqət və qayğının göstərilməsi, həmçinin inklüziv dəyərlərin təşviqi baxımından əhəmiyyətli olub.
Daha ətraflı15–24 may tarixlərində Goranboy rayonunda deflimpiyaçı cüdoçuların növbəti təlim-məşq toplanışı keçirilib. Baş məşqçi Mail Hümbətovun rəhbərliyi altında təşkil olunan toplanışın əsas məqsədi idmançıların qarşıdan gələn yarışlara, eləcə də cari ilin noyabr ayında Bakı şəhərində keçiriləcək Avropa çempionatına yüksək səviyyədə hazırlaşmasını təmin etməkdir. Təlim-məşq toplanışında ölkənin müxtəlif şəhərlərindən ümumilikdə 13 idmançı iştirak edib. 10 gün davam edən hazırlıqlar çərçivəsində cüdoçuların fiziki, texniki və taktiki hazırlıq səviyyəsinin yüksəldilməsi məqsədilə intensiv məşqlər keçirilib. Eyni zamanda, toplanış müddətində idmançıların vitamin təminatı da tam şəkildə qarşılanıb. Hazırlıq prosesinin tərkib hissəsi olaraq, komanda üçün Olimpiya dərəcəli hakim Fariz Hüseynov tərəfindən seminar təşkil olunub. Seminarda idmançılara yarış zonasına daxilolma qaydaları, hakim jestlərinin mənası görüşlər zamanı ən çox yol verilən səhvlər və cüdo idman növü üzrə qüvvədə olan ən son qaydalar ətraflı şəkildə izah edilib.
Daha ətraflıAzərbaycan Respublikası Deflimpiya Komitəsi (ARDK) ilə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi (MÜTDA) arasında imzalanmış əməkdaşlıq memorandumu çərçivəsində 3 nömrəli Xüsusi İnternat Məktəbində şagirdlərlə görüş keçirilib. Görüşün əsas məqsədi eşitmə məhdudiyyətli şagirdlərin idmana cəlb olunması və bu kateqoriyadan olan vətəndaşların idmanda kütləviliyinin təmin edilməsi olub. Məktəbin direktoru Tariyel Əkbərov və ADK-nın şöbə müdiri Asxab Kalayev çıxış edərək iştirakçılara görüşün məqsədi və idmanın hər bir şəxsin həyatında əhəmiyyəti barədə məlumat veriblər. Daha sonra taekvondo federasiyası nümayəndələrinin iştirakı ilə taekvondo üzrə deflimpiya yığma komandasının baş məşqçisi Elmir Fərəcov, böyük məşqçi Rauf Rəhimov və deflimpiyaçı idmançılar şagirdlərə bu idman növü haqqında ətraflı məlumat verib, taekvondo ilə bağlı çarx nümayiş etdirib və müxtəlif yarışlardan qazandıqları təcrübələri bölüşüblər. Şagirdləri maraqlandıran suallar cavablandırılıb, onlara motivasiyaedici tövsiyələr verilib. Görüşün yekununda taekvondo ilə məşğul olmaq istəyən şagirdlərin siyahısı tərtib edilib və onların dəstəklənməsi üçün atılacaq növbəti addımlar müəyyənləşdirilib.
Daha ətraflı
